Türkiyə, Azərbaycan və Özbəkistan arasında üçtərəfli mexanizm görüşünün vaxtı açıqlanıb

Türkiyə, Azərbaycan və Özbəkistan arasında ikinci üçtərəfli mexanizm görüşü 29 yanvar 2025-ci ildə Ankarada keçiriləcək.

İclasda üç ölkənin xarici işlər nazirləri, eləcə də ticarət, iqtisadiyyat və nəqliyyat nazirləri iştirak edəcək. 

Sözügedən mexanizm üç qardaş ölkənin xarici siyasət, ticarət və əlaqə sahələrində əməkdaşlığını və koordinasiyasını artırmaq, həmçinin Beynəlxalq Xəzər Şərq-Qərb Mərkəzi Dəhlizinin inkişafını təşviq etmək məqsədi daşıyır.