“Adyutant” universal hədəf təlim kompleksi açıq dənizdə gəmilərin hava hücumundan müdafiə sistemlərinin iştirakı ilə təlimlərin keçirilməsi üçün uyğunlaşdırılacaq.
Herbiand.az bildirir ki, bu barədə TASS-a “Kupol” İjevsk Elektromexanika Zavodunun baş direktoru Fanil Ziyatdinov məlumat verib.
Ziyatdinovun sözlərinə görə, “Adyutant”ın çoxnövlü kompleksə çevrilməsinin birinci mərhələsi sahil zolağından əməliyyatlar və lövbərdə təlimlərin keçirilməsindən ibarət olub: “İkinci mərhələ gəmilərin göyərtəsindən suya enmə, dəniz şəraitində işləmə, suya enmə və s. imkanlarını təmin etmək məqsədilə “Adyutant”-ın modernləşdirilməsidir. Bu, açıq dənizdə təlimlərin keçirilməsi üçün lazımdır. Birinci mərhələ uğurla həyata keçirilmiş hesab edilə bilər”.
“Adjutant” hava hücumundan müdafiə ekipajlarının hazırlanması üçün ən müasir hədəf sistemi hesab olunur. Kompleks təkrar istifadə edilə bilən hədəflərlə təchiz olunub ki, bu da istismar xərclərini əhəmiyyətli dərəcədə azaldır. Kompleksə müasir hava hücumu silahlarının geniş spektrini, onlardan istifadə taktikasını tam imitasiya edən və döyüşə mümkün qədər yaxın hədəf mühiti yaratmağa imkan verən müxtəlif tipli altı hədəf daxildir.
Sistemin qoşunlara seriyalı tədarükünə başlanılması 2024-cü ilin fevralında elan edilib.
Bəxtiyar CƏFƏRLİ
