Gürcüstan hökuməti Ermənistanla Avropa İttifaqı və ABŞ arasında əlaqələrin möhkəmlənməsini alqışlayır.
Oxu24.com xəbər verir ki, bunu Gürcüstanın xarici işlər naziri Maka Boçorişvili İrəvanda erməni həmkarı Ararat Mirzoyanla birgə mətbuat konfransında bildirib.
Boçorişvilinin fikrincə, İrəvanın Qərb ölkələri ilə münasibətlərinin gücləndirilməsi bütövlükdə Cənubi Qafqaza müsbət təsir göstərəcək. Diplomat əlavə edib ki, Gürcüstan Ermənistanın tərəfdaşları ilə münasibətlərinin bu istiqamətdə inkişaf etməsindən məmnundur.
Yanvarın 24-də Ermənistan parlamentinin müvafiq komitəsi ölkənin Avropa İttifaqına daxil olması ilə bağlı qanun layihəsini təsdiqləyib.
Ermənistanın xarici işlər naziri Ararat Mirzoyan bəyan edib ki, Ermənistana delimitasiya prosesi tam başa çatana qədər Azərbaycanla sərhəddə vəziyyətə nəzarəti davam etdirən Avropa İttifaqının mülki missiyasına ehtiyac var.
Nigar
