“AŞPA-nın işində iştirak etməməklə Gürcüstan heç nə itirməyəcək”.
Teleqraf.com-un yerli bürosu xəbər verir ki, bunu Gürcüstanın Baş naziri İrakli Kobaxidze jurnalistlərə açıqlamasında deyib.
Onun sözlərinə görə, AŞPA ildən-ildə aktuallığını və funksiyalarını itirir.
“Təəssüflər olsun ki, bu gün AŞPA Avropa Parlamentindən qat-qat zəif struktura çevrilib. Onlar bunu öz əlləri ilə ediblər və ötəngünkü qərar bunun davamıdır”, - baş nazir söyləyib.
Hökumət başçısı Gürcüstanın Avropa Şurasının üzvü olaraq qalacağını bildirib və əlavə edib ki, təşkilatla müxtəlif formatlarda əməkdaşlıq davam etdiriləcək.
Xatırladaq ki, ötən gün AŞPA-da Gürcüstanla bağlı qətnamə qəbul olunub. Sənəddə yer alan şərtlər Gürcüstan hökuməti üçün qəbuledilməz hesab edildiyindən ölkənin nümayəndə heyəti qurumdakı fəaliyyətini dayandırıb.
