Amerika Birləşmiş Ştatları prezidenti Donald Tramp, Suriyada heç bir işlərinin olmadığını və bu mövzuda qərar verəcəklərini bildirib.
Donald Tramp Ağ Evdə jurnalistlərin cari məsələlərə dair suallarını cavablandırıb.
Jurnalistin "İsrail mediası ABŞ-ın Suriyadan qoşunlarını çıxaracağı ilə bağlı xəbərlər yayıb. Bununla bağlı qərar qəbul etdinizmi?" sualını cavablandıran Donald Tramp "Suriya mövzusunda qərar verəcəyik. Suriyaya müdaxilə etmirik. Suriyanın öz problemləri var. Onsuz da orada kifayət qədər qarışıqlıq var. Bizim müdaxilə etməyimizə ehtiyac yoxdur" – deyə cavab verib.
