ABC jurnalistləri dünyanın hər yerindən istifadəçilər tərəfindən ən çox istifadə edilən dörd rəqəmli parolların siyahısını tərtib ediblər.
Day.Az Lent.az-а istinadən xəbər verir ki, məlumatları aşkar etmək üçün istifadə edilən Have I Been Pwned veb saytından 29 milyon parolun təhlilindən əldə edilib.
Ən çox yayılmış dörd rəqəmli PİN kodu sadə kombinasiya 1234-dür. Ondan dünyada hər onuncu insan istifadə edir.
İkinci ən populyar PİN kodu 0000, üçüncüsü 1111-dir. İlk onluğa 1212 və 4444 də daxil olub. 4321 koduna da tez-tez rast gəlinir - onlar ilk dörd rəqəmi qarışdırırlar, məsələn, 1342. Yeri gəlmişkən, 1342 ən populyar dördüncü PİN koddur.
Qeyd etmək lazımdır ki, bu cür PİN kodlar saytların təhlükəsizlik qaydalarına görə xidmətlərdə və ya sosial şəbəkələrdə qeydiyyatdan keçmək üçün istifadə edilmir-onlar daha uzun və daha mürəkkəb parollar tələb edirlər. 4 rəqəmli kodlar, ümumiyyətlə, bir smartfonun və hər hansı digər cihazın qorunması kimi, həmçinin onlayn bankların şəxsi hesabına girmədən əvvəl istifadə olunur.
