Dortmund “Borussiya”sı heyətini yeni müdafiəçi ilə gücləndirib.
QOL.az xəbər verir ki, Bundesliqa təmsilçisi Daniel Svenssonu heyətinə qatıb. “Borussiya” isveçli müdafiəçini Danimarkanın “Norşellan” klubundan mövsümün sonuna qədər icarəyə götürüb.
“Transfermarkt” futbolçunu 5,5 milyon avro dəyərində qiymətləndirir.
Qeyd edək ki, Daniel Svensson cari mövsüm “Norşellan”ın heyətində meydana çıxdığı 19 matçda 2 məhsuldar ötürmə müəllifi olub.
