Olaylar.az xəbər verir ki, Peskov jurnalistlərə verdiyi açıqlamada, "Bizim artıq bu məsələyə əlavə edəcək bir şeyimiz yoxdur. Daha əvvəl bu barədə dəfələrlə danışmışıq" - deyə bildirib. O, ABŞ Prezidenti Donald Trampın Ukrayna məsələsində "irəliləyiş" əldə edildiyi barədə verdiyi bəyanata münasibət bildirərkən belə əlavə edib.
Həmçinin, Peskov dünyanın çoxqütblü bir düzənə doğru getdiyini vurğulayıb və Yalta-2 sammitinin keçirilməsinin mümkünlüyünü istisna etməyib. "Bütün bu məsələlərin müzakirə oluna biləcəyi bir Yalta-2 sammiti mümkündür" - deyə o qeyd edib.
Rusiya 24 fevral 2022-ci ildə Ukraynada hərbi əməliyyatlara başlayıb. Prezident Vladimir Putin əməliyyatın məqsədini "Kiyev rejimi tərəfindən səkkiz il ərzində əzab çəkən, soyqırıma məruz qalan insanların müdafiəsi" olaraq açıqlayıb. Bundan əlavə, Putin Ukraynada "demilitarizasiya və denasifikasiyanı" həyata keçirmək, həmçinin Donbasda mülki əhaliyə qarşı qanlı cinayətlər törətmiş hərbi cinayətkarları məhkəməyə vermək niyyətində olduqlarını bəyan edib. Qərb ölkələri isə buna cavab olaraq Rusiya əleyhinə genişmiqyaslı sanksiyalar tətbiq ediblər.
