Bu ölkədə zəlzələ xəbərdarlığı edildi - Uzun müddət davam edəcək

Yunanıstanın Santorini adasında bir həftədir zəlzələlər davam edir.

Gundem.az xarici KİV-ə istinadən xəbər verir ki, davam edən zəlzələlər sakinləri də narahat edib. Xarici işçilər və turistlər Santorinini tərk etməyə başlayıblar.  

Mütəxəssislər zəlzələlərin uzun müddət davam edə biləcəyini bildirib. 

Yunanıstanın Baş nazir Kriyakos Mitsotakisin rəhbərliyi ilə fövqəladə komitə toplanıb. Həm Santorinidə, həm də ətraf adalarda görüləcək tədbirlər dəyərləndirilib. Santorinidəki stadionda çadırlar qurulub. Yunanıstan polisi və yanğınsöndürmə briqadası həyəcan vəziyyətindədir. Adaya çoxlu sayda həkim də təyin edilib.

Hakimiyyət vətəndaşları yalnız rəsmi mənbələrdən məlumat almağa çağırıb.Vətəndaşlara qapalı ərazilərə toplaşmamaq, tərk edilmiş binalara yaxınlaşmamaq tövsiyə olunub.Həmçinin qeyd olunub ki, suyun çox olması halında binalara dəyən ziyan arta bilər. Xüsusilə otel sahiblərindən hovuzları boşaltmaları istənilib.