Fransa Prezidenti Emmanuel Makronun həyat yoldaşı Bricitin əslində kişi olduğunu iddia edən jurnalist Natacha Rey gələn həftə Rusiyadan siyasi sığınacaq üçün müraciət edəcək.
Publika.az xəbər verir ki, bu barədə onun vəkili Fransua Danqlin "RİA Novosti" ilə söhbətində məlumat verib.
Hüquq müdafiəçisinin sözlərinə görə, onun müvəkkili bunu Rusiyanın Parisdəki səfirliyi vasitəsilə edəcək. Vəkil deyib ki, jurnalist hesab edirdi ki, Rusiya Edvard Snoudenə siyasi sığınacaq verdiyinə görə, ola bilsin ki, Rusiya bunu onun üçün də edəcək.
O, həmçinin qeyd edib ki, Rey saxta məhkəmənin qurbanı olub.
Fevralın 3-də Danqlean deyib ki, Rey Dövlət Dumasının deputatı Pyotr Tolstoydan Rusiyada siyasi sığınacaq istəyib, çünki o, Bricit Makronla bağlı apardığı araşdırmaya görə Fransada qanuni təqiblərlə üzləşib. Reyin sözlərinə görə, Fransa liderinin həyat yoldaşı kişi doğulub. Jurnalist iddia edib ki, Jan-Mişel Troqneux (Bricitin qardaşı) Fransanın birinci xanımının doğum adıdır.
