ABŞ Dövlət Katibi Marko Rubio Kosta-Rikada keçirdiyi mətbuat konfransında bildirib ki, USAID Ağ Evə büdcə vəsaitlərini necə xərclədiyi barədə təfərrüatları açıqlamaqdan imtina edib.
“Xüsusilə USAID bizə heç nə deməkdən imtina etdi: “Biz sizə pulun hara getdiyini, kimə aid olduğunu, kimə məxsus olduğunu, hansı podratçıya aid olduğunu söyləməyəcəyik” dedi Rubio.
Bəzi hallarda, o, vəsaitlərin podratçıya çatana qədər dörd dəfəyə qədər əl dəyişdirdiyini söylədi.
Fevralın 3-də ABŞ prezidenti administrasiyasının qərarı ilə USAID-in Vaşinqtondakı mənzil-qərargahı bağlanıb.
Sonradan məlum oldu ki, Tramp bağlanan USAID agentliyini Dövlət Departamenti ilə birləşdirməyi və agentlikdəki işçilərin sayını azaltmağı planlaşdırır, eyni zamanda, o, humanitar yardım göstərən təşkilat olaraq qalacaq.
Əziz Mustafa, Oxuməni.az
