"Google" süni intellekti silah və müşahidə üçün istifadə etməmək öhdəliyini ləğv edib.
Valyuta.Az xəbər verir ki, şirkətin yenilənmiş "Süni intellekt prinsipləri"nə əsasən, "Google" süni intellektin silah və müşahidə kimi potensial təhlükəli tətbiqlərdə istifadəsindən çəkinmək öhdəliyini ləğv edib.
Süni intellekt prinsiplərinin əvvəlki versiyasında şirkətin "əsas məqsədi və ya tətbiqi insanlara xəsarət yetirmək və ya bunu birbaşa asanlaşdırmaq olan silahlar və digər texnologiyalar" ilə yanaşı, "beynəlxalq səviyyədə qəbul edilmiş normaları pozan müşahidə üçün məlumat toplayan və ya istifadə edən texnologiyaları" inkişaf etdirməyəcəyi bildirilirdi.
"Google DeepMind"in baş direktoru Demis Hassabis çərşənbə axşamı yazdığı bloq yazısında qeyd edib: "Getdikcə daha mürəkkəbləşən geosiyasi mühitdə süni intellekt liderliyi uğrunda qlobal rəqabət gedir. Demokratik ölkələrin azadlıq, bərabərlik və insan haqlarına hörmət kimi əsas dəyərlər əsasında süni intellektin inkişafına rəhbərlik etməli olduğuna inanırıq."
Rəhim
