ABŞ prezidenti Donald Trampın milli təhlükəsizlik üzrə müşaviri Maykl Uolz bildirib ki, Ağ Ev hələ Amerika lideri ilə Rusiya prezidenti Vladimir Putin arasında mümkün görüş yeri və ya Ukrayna üzrə danışıqlarda irəliləyiş barədə danışmağa hazır deyil.
“Təəccüblü odur ki, dünyanın yarısı Prezident Trampa bu müharibəni sona çatdırmağa kömək etməyə çalışır. Biz hər cür rəy alırıq, lakin bu gün məsələni təsdiqləyəcək heç nəyə malik deyiləm”, - deyə Uolz bildirib.
Uolz Putin və Tramp arasında görüş üçün yer seçimi ilə bağlı şərh verməkdən imtina edib və bu cür xəbərlərə ehtiyatla yanaşmağı tövsiyə edib.
Fevralın 3-də Tramp bildirib ki, Amerika Birləşmiş Ştatları Rusiya və Ukrayna ilə təmaslar planlaşdırır. O, bundan əvvəl də Ukraynadakı münaqişəyə son qoymaq üçün rusiyalı həmkarı Vladimir Putinlə danışıqlar aparmaq niyyətində olduğunu iddia edərək, "əhəmiyyətli" nəticələrin əldə olunacağına ümid etdiyini bildirib. Kreml də öz növbəsində ABŞ prezidentinin komandasından konkret təkliflərin alınmadığını iddia edib.
Əziz Mustafa, Oxuməni.az
