ABŞ prezidenti Donald Tramp Qəzza zolağına nəzarət yaratmaq niyyətini açıqlayıb və Amerika qoşunlarının bölgəyə yeridilməsi imkanını istisna etməyib.
XəzərNews.az xarici mediaya istinadla xəbər verir ki, bu barədə o, fevralın 4-də ABŞ-a səfər edən İsrailin baş naziri Benyamin Netanyahu ilə keçirdiyi mətbuat konfransında bildirib.
Tramp qeyd edib ki, ABŞ ərazinin idarə olunmasına görə məsuliyyəti öz üzərinə götürəcək. Onun sözlərinə görə, ABŞ minaların təmizlənməsi, təhlükəli hərbi sursatların və partlamamış silahların sıradan çıxarılması üçün də tədbirlər görəcək. Bundan əlavə, o, Qəzza zolağında təhlükəsizliyi təmin etmək üçün Amerika hərbçilərinin göndərilməsini istisna etmir.
“The New York Times” belə bir ssenarinin “Yaxın Şərqdə heyrətamiz hadisə” olacağını qeyd edib.
Jurnalistlər bildiriblər ki, görüş zamanı Tramp qəzzalıların köçürülməsi zərurəti ilə bağlı mövqeyini dəfələrlə təkrarlayıb. Onun fikrincə, İordaniya və Misir onları qəbul etməlidir.
Mətbuat konfransında Trampdan ABŞ-ın nəzarətində olan Qəzza zolağında kimin yaşayacağı soruşulub. O, cavab verib ki, region bütün dünyadan insanları, xüsusən də fələstinliləri cəlb edəcək.
Xəbər 54 dəfə oxunub.
XəzərNews.az xarici mediaya istinadla xəbər verir ki, bu barədə o, fevralın 4-də ABŞ-a səfər edən İsrailin baş naziri Benyamin Netanyahu ilə keçirdiyi mətbuat konfransında bildirib.
Tramp qeyd edib ki, ABŞ ərazinin idarə olunmasına görə məsuliyyəti öz üzərinə götürəcək. Onun sözlərinə görə, ABŞ minaların təmizlənməsi, təhlükəli hərbi sursatların və partlamamış silahların sıradan çıxarılması üçün də tədbirlər görəcək. Bundan əlavə, o, Qəzza zolağında təhlükəsizliyi təmin etmək üçün Amerika hərbçilərinin göndərilməsini istisna etmir.
“The New York Times” belə bir ssenarinin “Yaxın Şərqdə heyrətamiz hadisə” olacağını qeyd edib.
Jurnalistlər bildiriblər ki, görüş zamanı Tramp qəzzalıların köçürülməsi zərurəti ilə bağlı mövqeyini dəfələrlə təkrarlayıb. Onun fikrincə, İordaniya və Misir onları qəbul etməlidir.
Mətbuat konfransında Trampdan ABŞ-ın nəzarətində olan Qəzza zolağında kimin yaşayacağı soruşulub. O, cavab verib ki, region bütün dünyadan insanları, xüsusən də fələstinliləri cəlb edəcək.
Xəbər 54 dəfə oxunub.
