USAİD-in maliyyəsi xeyriyyə məqsədləri üçün istifadə olunmayıb, hamısı konkret olaraq bu və ya digər ölkədə, o cümlədən Gürcüstanda inqilablar təşkil etmək, iğtişaşlar yaratmaq və sabitliyi pozmaq üçün istifadə olunub.
APA-nın Gürcüstan bürosu xəbər verir ki, bunu Gürcüstanın baş naziri İrakli Kobaxidze Qazaxıstanda jurnalistlərə açıqlamasında deyib.
Baş nazir qeyd edib ki, bu gün ABŞ hökuməti rəsmi olaraq Gürcüstan hökumətinin 2023-cü ilin yazından bəri danışdıqlarını təkrarlayır.
“Təbii ki, bütün bunlar əlavə araşdırma tələb edir. Biz şadıq ki, USAID-in maliyyəsi üç ay müddətinə dayandırılıb. Bizim üçün ən vacibi odur ki, bu belə qalsın. Bu, USAİD-in bir daha ölkəmizdəki vəziyyəti pozmağa cəhd etməməsi, inqilabi proseslərə birbaşa dəstək verməsi üçün çox vacib olardı. Ümid edirik ki, üç aylıq dayandırma mexanizmi qüvvədə qalacaq", - baş nazir deyib.
