Almaniya Sosial Demokrat Partiyasının (SPD) həmsədri Lars Klinqbeyl ən azı iki dəfə Olaf Şoltsdan fevralda keçiriləcək növbədənkənar seçkilərdə Almaniya kansleri vəzifəsinə namizəd olmaq planlarından imtina etməyi xahiş edib.
HİT.az xəbər verir ki, bu barədə "Tagesspiegel" və "T-online"ın birgə araşdırmasına deyilir.
Nəşrin mənbələrinə görə, Şolts partiya rəhbərliyinin şübhələrinə baxmayaraq, öz namizədliyində israr edib.
"Tagesspiegel" və "T-online" yazır ki, namizədin dəyişdirilməsi ilə bağlı müzakirələr Almaniyanın SPD, Yaşıllar və Azad Demokratik Partiyasından (FDP) ibarət hakim koalisiyasının dağılmasından az sonra başlayıb. KİV-in məlumatına görə, Olaf Şolts "defolt" namizəd hesab edilirdi, lakin SPD rəhbərliyi ölkənin ən populyar siyasi xadimlərindən biri olan müdafiə naziri Boris Pistoriusun namizədliyinin irəli sürülməsini zəruri hesab edirdi.
Məqalədə deyilir ki, SPD həmsədri Saskia Esken və baş katib Mattias Myersx də bu qənaətə gəliblər ki, Olaf Şolts namizəd olarsa, SPD böyük ehtimalla erkən parlament seçkilərində uduzacaq. Namizədin rəsmi təsdiqlənməsinə bir aydan az vaxt qalmış Boris Pistorius onun namizədliyini istisna edib və Olaf Şoltsu SPD-nin əla namizədi adlandırıb.
Almaniya kansleri parlament seçkilərindən sonra müzakirəsiz gizli səsvermə yolu ilə seçilir. Birinci turda qalib gəlmək üçün namizəd səslərin mütləq əksəriyyətini (50+1) almalıdır.
Olaf Şolts 2021-ci ilin dekabrından Almaniyanın kansleridir. Onunla hakimiyyətə gələn koalisiyada mütəmadi olaraq fikir ayrılıqları yaranıb ki, bu fikir ayrılıqları ötən ilin payızında Ukrayna üçün 2025-ci ilin büdcəsi və ona daxil olan vəsaitlərin müzakirəsi zamanı daha da kəskinləşib. Onun əsas rəqibi mühafizəkar CDU/CSU blokunun namizədi Fridrix Merz hesab olunur. Blok Almaniyadakı siyasi partiyaların reytinqinə ardıcıl olaraq başçılıq edir, SPD üçüncü yerdədir.
Samir
