Parisdə naməlum şəxslər tərəfindən Zəfər Tağında və liseylərdə bomba olması ilə bağlı saxta xəbərdarlıq yayılıb.
Publika.az xəbər verir ki, həmin şəxslər pul tələb ediblər.
Məlumatı ciddi qəbul edən polis Parisin 13-cü rayonunda Jan-Zey internat məktəbində, 14-cü rayondakı Filip-Löklerk Otklok (Philippe-Leclerc Hautecloque) liseyində və Zəfər Tağı (Arc de Triomphe) ətrafında təxliyə və yoxlamalar aparıb.
Parisdə Vebedia (Webedia) şirkətinin baş qərargahına da 3 bomba qoyulması ilə bağlı başqa bir telefon zəngi daxil olub. Yoxlamalardan sonra xəbərin yalan olduğu təsdiqlənib.
