Masallılar xeyriyyəçilik missiyasını davam etdirir
“Biz birlikdə güclüyük”
Masallıda dövlət qurumları ilə əhali arasında həmrəylik və birgə tədbirlərin həyata keçirilməsi ənənə halını alıb. Rayon ərazisində xeyriyə aksiyaları mütəmadi xarakter daşıyır.
Xeyriyyəçilərinin maliyyə dəstəyi ilə qəsəbə və kəndaxili küçələr təmir edilir, işıqlandırılır, aztəminatlı ailələrə maddi və ərzaq yardımı edilir, ehtiyacı olan insanların müalicəsinə, tələbələrə, idmançılara maddi dəstək göstərilir, şəhid ailələri, eləcə də evi yanmış sakinlər üçün yeni fərdi yaşayış evləri tikilir, məktəblər təmir edilir və digər abadlıq-quruculuq işləri, nəcib aksiyalar həyata keçirilir.
Ənənələrinə sadiq qalan, gördükləri xeyirxah işlərlə gələcək nəsillərə nümunə olan bu yardımsevər, yurdsevər insanlara Masallı rayon ictimaiyyəti adından minnətdarlığımızı bildiririk.
Akif AĞAYEV
