ABŞ Dövlət Departamenti 304 milyon dollar dəyərindəki AN/TPS-78 uzun mənzilli radarının Misirə satışını təsdiqləyib.
Bu barədə “Poliqon” ABŞ-ın Müdafiə Təhlükəsizliyi Əməkdaşlıq Agentliyinə (DSCA) istinadən xəbər verib.
Bildirilib ki, sifarişə AN/TPS-78 radarının və digər lazımi avadanlıqların satın alınması ilə yanaşı, onlara təmir, texniki xidmət və logistika dəstəyinin göstərilməsi də daxildir.
Sözügedən sifarişin baş podratçısı ABŞ-ın “Northrop Grumman” korporasiyası olacaq.
Qeyd olunub ki, bu satış Misirin müxtəlif hava təhdidlərini aşkar etmək qabiliyyətini təkmilləşdirməklə mövcud və gələcək təhdidlərə cavab vermək imkanlarını artıracaq.
