Türkiyə Statistika Təşkilatı (TÜİK) “Ünvan Əsaslı Əhali Qeydiyyat Sistemi 2024 Nəticələri”ni açıqlayıb.
31 dekabr 2024-cü il tarixinə Türkiyədə yaşayan əhalinin sayı əvvəlki illə müqayisədə 292 min 567 nəfər artaraq 85 milyon 664 min 944 nəfərə çatıb.
Kişi əhali 42 milyon 853 min 110 nəfər, qadın əhali isə 42 milyon 811 min 834 nəfər olub. Başqa sözlə, ümumi əhalinin 50,02 faizini kişilər, 49,98 faizini isə qadınlar təşkil edib.
Ünvan Əsaslı Əhalinin Qeydiyyatı Sisteminin (ADNSS) nəticələrinə görə, Türkiyədə yaşayan əcnəbi əhalinin sayı (1) əvvəlki illə müqayisədə 89 min 996 nəfər azalaraq 1 milyon 480 min 547 nəfər olub. Bu əhalinin 48,3 faizini kişilər, 51,7 faizini isə qadınlar təşkil edib.
