Leysan yağışları nəticəsində Lənkəran şəhərinin bəzi rayonlarını, o cümlədən Girdəni, Kosalar və Şiləvar kəndlərini su basıb, bu barədə Azərbaycan FHN məlumat yayıb.
FHN-in Cənub Regional Mərkəzinin qüvvələri vətəndaşların su basmış yerlərdən təxliyəsi üzrə tədbirlər görür. Eyni zamanda, suyun çəkilərək
kənarlaşdırılması və digər zəruri təhlükəsizlik tədbirləri həyata keçirilir. Bu vaxtadək ümumilikdə 6-sı uşaq olmaqla 22 nəfər vətəndaş təxliyə olunub.
