ABŞ-da Qabaqcıl Müdafiə Tədqiqat Layihələri Agentliyinin (DARPA) tədqiqat xərcləri 2025-ci ildə 4,37 milyard dollara qədər artırılıb.
Oxu24.com xəbər verir ki, bu barədə Roskonqresin hesabatında deyilir.
Agentliyin maliyyələşdirməsi 1996-cı maliyyə ilində 2,27 milyard dollardan 2025-ci maliyyə ilində 4,37 milyard dollara qədər 92,5 faiz artırılıb.
Bu il agentlik əsasən elmi və praktiki problemlərin həllinə yönəlmiş tətbiqi tədqiqatlarla məşğul olacaq. Eyni zamanda, xüsusi hərbi ehtiyacları ödəmək üçün tələb olunan texnoloji inkişaflar üçün büdcənin payı son 26 ildə ən böyük olacaq.
2025-ci il üçün tələb olunan 4,37 milyard dollar vəsaitin 97,2%-i üç kateqoriya işlərə yönəldiləcək: fundamental tədqiqatlar (gələcək işlər üçün elmi bazanın formalaşdırılması), tətbiqi tədqiqatlar (elmi və praktiki problemlərin həlli) və yeni texnologiyaların yaradılması (xüsusi hərbi ehtiyacların ödənilməsi). Bu kateqoriyaların maliyyələşdirilməsi ABŞ Müdafiə Nazirliyinin sənədlərində Elm və Texnologiya Büdcəsinin bir hissəsi kimi qeyd olunub.
Bundan əvvəl Rusiya Xarici İşlər Nazirliyi bəyan etmişdi ki, ABŞ xərcləri azaltmaq üçün Ukraynada hərbi əməliyyatları dayandırmalıdır.
Nigar
