Kursk vilayətinin Ulanok və Çerkasskaya Konopelka yaşayış məntəqələri Rusiya ordusunun nəzarətinə keçib.
APA-nın Moskva bürosu xəbər verir ki, bu barədə Rusiya Müdafiə Nazirliyi məlumat yayıb.
Bildirilib ki, Ukrayna Silahlı Qüvvələri Rusiyanın Kursk vilayətində əks-hücum üçün iki mexanikləşdirilmiş briqada yerləşdirib. "Bütün hücumlar dəf edilib. Ukrayna tərəfi 6 tank, 14 zirehli döyüş maşını itirib".
Qeyd edək ki, Ukrayna ordusu ötən ilin avqustunda Rusiyanın sərhəddə yerləşən Kursk vilayətinə daxil olub. Ukrayna Silahlı Qüvvələrinin Kursk vilayətinin 1000 kvadrat kilometrdən çox ərazisini ələ keçirdiyi bildirilib.
