ABŞ-ın Kiyevdəki səfirliyindəki Amerika evi fəaliyyətini müvəqqəti dayandırıb.
Bizim.Media “forbes.ua”ya istinadla xəbər verir ki, Amerika Evi ABŞ-ın Ukraynadakı səfirliyi vasitəsilə IREX beynəlxalq ictimai təşkilatı tərəfindən idarə olunur.
Amerika evi həmçinin USAID proqramlarının həyata keçirilməsində iştirak edir.
Qeyd edək ki, Kiyevdə müvəqqəti bağlanan Amerika Evi 2015-ci ildə yaradılıb. Amerika Evi ABŞ-ın Ukraynadakı maraqlarının təbliği, mədəni əlaqələr qurulması, bacarıqların artırılması üzrə seminarlar, incəsənət və mədəniyyət, Ukrayna islahatları və siyasəti və ingilis dili proqramları üzrə tədbirlər təşkil edir.
Xatırladaq ki, yanvarın 20-də, andiçmə mərasimindən dərhal sonra ABŞ prezidenti Donald Tramp USAID-in təşəbbüslərini 90 gün müddətinə dondurub. Fevralın 3-də isə ABŞ Hökumətin Effektivliyi Departamentinə (DOGE) rəhbərlik edən İlon Mask USAİD-in ləğvi prosesinin başlandığını elan etdi.
Bizim.Media
