Süd vəzi xərçəngi qadınlar arasında ən çox rast gəlinən onkoloji xəstəlikdir, lakin kişilərdə də müşahidə olunur. Hazırda xəstəliyin terapiyası ilə bağlı vahid yanaşma mövcud deyil. Kişilərdə müalicə metodları hələ də qadınların analoji xəstəliklərdəki müalicə təcrübəsinə əsaslanır.Bavariyanın Erlangen şəhərindəki Səhiyyə və Qida Təhlükəsizliyi İdarəsinin dərc etdiyi yeni araşdırmaya görə, kişilərin bu xəstəlikdən ölmə riski qadınlardan daha yüksəkdir. Diaqnoz qoyulduqdan sonra qadınların 80,4 faizi orta hesabla beş il yaşadığı halda, kişilərdə bu göstərici təxminən 70 faizdir.Araşdırma zamanı Erlangendən olan mütəxəssislər 2000-ci il yanvarın 1-dən 2018-ci il dekabrın 21-dək "süd vəzi xərçəngi" diaqnozu qoyulan təxminən 2500 kişi və 307 mindən çox qadının məlumatlarını analiz ediblər. Kişilərdə bu xəstəliyə daha az diaqnoz qoyulduğundan, hazırda diaqnostika, terapiya və proqnozla bağlı məlumatlar yetərsizdir.Tədqiqatçılar bildirirlər ki, süd vəzi xərçənginin kişilərdə daha ölümcül olması əsasən xəstəliyin gec mərhələdə aşkar edilməsi ilə bağlıdır. Çünki kişilər bu xəstəliyə qadınlar qədər diqqət yetirmirlər və müalicəyə gec müraciət edirlər. Nəticədə şiş daha irəliləmiş mərhələdə aşkarlanır ki, bu da müalicə nəticələrinin uğur faizini azaldır.Mütəxəssislər vurğulayırlar ki, süd vəzi xərçəngi ilə bağlı maarifləndirmə yalnız qadınlara deyil, həm də kişilərə yönəldilməlidir. Erkən diaqnostikanın əhəmiyyəti xüsusi qeyd edilir.
Araşdırma müəllifləri əlavə edirlər ki, kişilər üçün daha spesifik müalicə strategiyalarının hazırlanması vacibdir. Hazırkı terapiya üsulları yalnız qadınların müalicə təcrübəsinə əsaslandığı üçün kişilərdə effektivliyi sual altındadır.Tədqiqat həmçinin göstərir ki, genetik faktorlar, həyat tərzi və hormonal dəyişikliklər kişilərdə süd vəzi xərçəngi riskini artıran əsas səbəblərdən ola bilər. Bu istiqamətdə daha çox araşdırmaya ehtiyac olduğu qeyd olunur.Səidə
Diqqət Çəkənlər
Şəxsi Sirlər: bəzən susmaq daha yaxşıdır
Ərdoğan Azərbaycan səfirinə mükafat verdi
Hərbi Prokurorluq: Bu il hərbi cinayətlərin 100% açılıb
