Birinci Qarabağ müharibəsində itkin düşən, 31 il sonra aşkarlanan meyit qalıqlarının eyniləşdirilməsi prosesində şəxsiyyəti müəyyənləşən Tərlan Məmmədov dəfn olunub.
Bizim.Media-nın yerli bürosu xəbər verir ki, yaylım atəşinin müşayiəti ilə Tərlan Məmmədov Yevlax şəhəri Şəhidlər xiyabanında torpağa tapşırılıb.
MÖVZU İLƏ BAĞLI:
31 il əvvəl itkin düşdü, naməlum əsgər kimi DƏFN OLUNDU - Tərlan Məmmədovun HƏYAT HEKAYƏSİ - FOTO
Qeyd edək ki, İmişli rayonu Səmədabad kənd qəbiristanlığında naməlum şəhid kimi dəfn edilmiş Tərlan Məmmədovun meyitinin qalıqları bu gün Yevlax rayonunun Aran qəsəbəsinə gətirilib.
Tərlan Fikrət oğlu Məmmədov 1975-ci ildə Yevlax şəhərində anadan olub. O, 1994-cü ilin yanvarında Füzuli rayonu istiqamətində gedən döyüşlərdə şəhid olub.
Leyla Vəfadar, Bizim.Media, Mərkəzi Aran bürosu
