Almaniyanın maliyyə naziri Yörg Kukis, ABŞ Prezidenti Donald Trampın Avropa məhsullarına rüsumlar tətbiq edəcəyini açıqlamasının ardından ticarət münaqişəsinin qarşısını almaq üçün ABŞ administrasiyası ilə danışıqlar aparmağa çağırıb. “Ulusum”.az xəbər verir ki, bu fikri nazir, Bayerischer Rundfunk (BR) radio stansiyasına verdiyi müsahibədə səsləndirib.Kukis, problemin diplomatik yolla həll edilməsinin vacibliyini vurğulayıb və danışıqlardan qarşılıqlı faydanı qeyd edib. O, Amerikanın enerji və texnologiya şirkətlərinin Avropa bazarına olan böyük marağını diqqətə çatdırıb və bunun danışıqlarda effektiv bir təzyiq vasitəsi ola biləcəyini qeyd edib. Nazir, həmçinin Trampın Avropa ilə ticarət mübadiləsini artırmaq istəyini və Kanadadan və Meksikadan gələn mallara tətbiq olunan rüsumların dayandırılmasını uğurlu danışıqların nəticəsi kimi göstərib.Bununla belə, Kukis, Trampın açıqlamalarına ciddi yanaşmağın vacibliyini qeyd edərək, AB-yə mümkün rüsumların tətbiqinə hazır olmağı tövsiyə edib. Əgər Tramp belə bir qərar qəbul edərsə, nazir bu zaman qarşılıqlı tədbirlərin görülməsinin zəruri olduğunu bildirib.Səidə
Diqqət Çəkənlər
Mətbəxin sirri - Analar üçün
Heç Kim Ona İnanmırdı… O, Azərbaycan Tikinti Sektorunda Yeni Dövr Açdı
Hərbi Prokurorluq: Bu il hərbi cinayətlərin 100% açılıb
