Fransada 2024-cü ilin dekabrında korrupsiya ittihamı ilə hökmü qüvvədə saxlanılan keçmiş prezident Nikolya Sarkoziyə elektron qolbaq taxılıb.
“Franceinfo” ictimai televiziyanın məlumatına görə, Paris prokurorluğu günorta saatlarında Sarkoziyə “icazəsiz dinləmə” işi kontekstində cəzasının icrası üçün verdiyi qərarı açıqlayıb.
Müvafiq olaraq, Sarkozi ev dustaqlığı cəzası çərçivəsində saat 08:00-20:00 arasında evini tərk edə biləcək. Sarkozi başqa bir iş üzrə mühakimə olunduğu üçün bazar ertəsi, çərşənbə və cümə axşamı günləri saat 08:00-21:30 arasında evini tərk edə biləcək.
***
Sarkozi 2023-cü ilin mayında korrupsiyada təqsirli bilindiyi “icazəsiz dinləmə” işi üzrə 2 ili ertələnmək şərtilə 3 il həbs cəzasına məhkum edilib. Sarkozi elektron qolbaqla bir il ev dustaqlığına məhkum edilib. Sarkozinin də üç il müddətinə seçkilərdə iştirakına qadağa qoyulub.
18 dekabr 2024-cü ildə Ali Apellyasiya Məhkəməsi Sarkozinin aşağı instansiya məhkəməsinin qərarından verdiyi şikayəti rədd edərək, yekun qərarında Sarkozinin 1 il həbs cəzasının elektron qolbaqla evdə çəkilməsi və 3 il müddətinə seçilməsinə qadağa qoyulmasını təsdiqləyib.
Sabiq prezident Sarkoziyə qarşı 2014-cü ildə ona qarşı başqa bir cinayət təhqiqatında məlumat əldə etmək üçün “təsir alveri və dinləmələrin məxfilik prinsipini pozmaq” maddəsi ilə iddia qaldırılıb.
Nikola Sarkozi “L'Oreal” qalmaqalı ilə bağlı istintaq sənədləri ilə tanış olmaq üçün hakim Gilbert Azibertə Monakoda yüksək vəzifə təklif etməkdə ittiham olunurdu. Sarkozinin vəkili Tierri Herzog ilə görüşləri zamanı “L'Oreal” araşdırması çərçivəsində polis və prokurorluq orqanlarından məlumat sızdırdığı müəyyən edilib.
