İspaniyalı qapıçı "Barselona"dan ayrıla bilər

İspaniyalı qapıçı İnyaki Penya "Barselona" klubundan ayrıla bilər.

SeherXeber.org "Report"a istinadən xəbər verir ki, 25 yaşlı qolkiper cari mövsüm az forma şansı əldə etdiyi üçün narazıdır. 

Oyunçu məsələ ilə bağlı Kataloniya təmsilçisinin baş məşqçisi Hans Flikə müraciət edib. Lakin bu, nəticəsiz qalıb. 

Almaniyalı mütəxəssis son matçlarda polşalı Voytsex Şesnıyə etimad göstərir. Hətta onun müqaviləsinin müddətinin daha bir il uzadılması da gündəmdədir. 

Qeyd edək ki, "Barselona"nın əsas qapıçısı Mark-Andre ter Ştegen mövsümün əvvəlində zədələndiyi üçün meydana çıxa bilmir.