"Facebook"un sahibi olan "Meta Platforms" şirkəti gələn həftə gözlənilən ümumi ixtisarları həyata keçirməyi planlaşdırır, eyni zamanda maşın öyrənməsi mühəndislərinin sürətli işə qəbulunu davam etdirir.
Valyuta.Az xəbər verir ki, bu barədə "Reuters" məlumat yayıb.
"Meta"nın insan resursları üzrə rəhbəri Canell Qale tərəfindən yazılmış daxili posta əsasən, işini itirəcək əməkdaşlara bildirişlər bazar ertəsi səhər göndəriləcək. Bu, ABŞ da daxil olmaqla əksər ölkələrə şamil olunacaq.
Almaniya, Fransa, İtaliya və Niderlandda çalışan əməkdaşlar yerli qaydalara görə ixtisarlardan azad ediləcək. Digər onlarla Avropa, Asiya və Afrika ölkəsində isə bildirişlər fevralın 11-dən 18-dək göndəriləcək.
"Meta"nın sözçüsü isə bu barədə şərh verməkdən imtina edib.
Şirkət keçən ay təsdiqləmişdi ki, ümumi işçi qüvvəsinin təxminən 5%-ni təşkil edən "ən aşağı göstəricilərə malik" əməkdaşları ixtisar etməyi və bəzi vəzifələri yenidən doldurmağı planlaşdırır. Cümə günü yayımlanan daxili sənəddə Qale bu ixtisarları "performansa əsaslanan işdən çıxarmalar" kimi xarakterizə edib.
Bundan əlavə, cümə günü "Meta"nın monetizasiya üzrə mühəndislik vitse-prezidenti Penq Fan tərəfindən yayımlanan başqa bir daxili sənəddə işçilərdən maşın öyrənməsi mühəndisləri və digər "biznes üçün vacib" mühəndislik vəzifələrinə sürətli işə qəbul prosesinə dəstək vermələri istənilib.
Fanın bildirdiyinə görə, bu proses fevralın 11-dən martın 13-dək davam edəcək.
"SürÉ™tli iÅŸÉ™ qÉ™bul hÉ™dÉ™flÉ™rimizÉ™ çatmaqda vÉ™ 2025-ci il üçün ÅŸirkÉ™timizin prioritetlÉ™rinÉ™ daha yaxşı uyÄŸunlaÅŸmaqda göstÉ™rdiyiniz dÉ™stÉ™yÉ™ görÉ™ təşəkkür edirik", – deyÉ™ onun paylaşımında qeyd olunub.
Rəhim
