Almaniyada fevralın 23-də keçiriləcək növbədənkənar seçkilərə iki həftə qalmış Sosial Demokrat Partiyasının (SPD) kansleri Olaf Şolz və müxalif Xristian Birlik Partiyasının (CDU/CSU) kansler namizədi Fridrix Merz teledebatda üz-üzə gəlib.
İki lider ARD və ZDF ictimai televiziya kanallarında 90 dəqiqəlik canlı yayımda üz-üzə gəlib, seçicilərə müraciət edib və partiyalarının seçki vədlərini izah ediblər.
Kansler Şolz rəqibi Merz-i ifrat sağçı Almaniya üçün Alternativ (AfD) partiyası ilə əməkdaşlıq etməmək prinsipini pozmaqda ittiham edib və rəqibini “etibarsız” adlandırıb.
Ana müxalifətdəki Xristian Demokrat Birliyinin (CDU) lideri Merz bu ittihamları rədd edərək, AfD ilə birlikdə qaçqınlarla bağlı təklifi dəstəkləməyin onların AfD ilə əməkdaşlıq edəcəkləri anlamına gəlmədiyini və bir çox mövzuda aralarında ciddi fikir ayrılıqları olduğunu müdafiə etdi.
Qeyri-qanuni immiqrasiya ilə bağlı məhdudlaşdırıcı siyasətlərin tərəfdarı olduğunu bildirən Şolz, Merzin planlarının Avropa qanunlarına zidd olduğunu və “Bundestaqda şou göstərmək istədiyini” söylədi.
Merz, baş nazir Şolzun Azad Demokratik Partiya (FDP) və Yaşıllarla əməkdaşlıqda 2021-ci ilin sonunda vəzifəyə gəldiyindən bəri immiqrasiya siyasətlərində çox irəliləyiş əldə etmədiyini söylədi.
Hökuməti iqtisadi məsələlərdə də tənqid edən Merz, Şolza “Hazırda Almaniyada daha əvvəl görülməmiş bir tənəzzülün üçüncü ilindəyik. İşsizlik və iflas rəqəmləri də artan tendensiya ilə fəlakətli səviyyədədir. Sənayedə 300 min iş yerinin itirilməsi nə deməkdir” – sualını verib.
Şolz pis iqtisadi mühiti etiraf edərək, “Mən Ukraynanı işğal etməmişəm. Bunu Putin edbi və bunun iqtisadi nəticələri olub", – deyib.
Merz daha sonra Rusiyanın təcavüzkar müharibəsindən digər ölkələrin də təsirləndiyini, lakin eyni iqtisadi uğursuzluqlara məruz qalmadıqlarını müdafiə etdi.
Merz rəqibindən belə bir müharibə və böhran şəraitində niyə üç atom elektrik stansiyasını bağladıqlarını soruşub və “Başqa heç bir ölkə belə çılğın bir fikirlə çıxış etməz”, – deyib.
Nüvə enerjisinin mərhələli şəkildə dayandırılmasında liderliyin heç bir uğursuzluğunu görmədiyini ifadə edən Şolz, “Aydın olaq: Cənab Merz nüvə stansiyalarının bağlanmasının iqtisadi inkişafla heç bir əlaqəsi olmadığını da bilir. Bunun üçün çox ağıllıdır”, – deyib. Naş nazir bu məsələnin müzakirəsinin “cəfəngiyat” olduğunu qeyd edib.
Mühacir və ifrat sağçılarla yanaşı, Almaniya iqtisadiyyatının üzləşdiyi çətinliklər, vergi siyasəti və Ukraynadakı müharibə də debatda əsas müzakirə mövzularından olub.
Seçki öncəsi ən izdihamlı televiziya fevralın 16-da keçiriləcək. Bu debatda Şolz, Merz, həmçinin AfD-dən Elic Veydel və Yaşılların İqtisadiyyat naziri Robert Habek qarşılaşacaq.
Baş nazir Şolzun partiyasının sorğularda üçüncü yerdədir
ARD ictimai yayımının son sorğusuna əsasən, seçicilərin 69 faizi seçkidən sonra sabit hökumətin formalaşa bilməməsi ilə bağlı “çox yüksək” narahatlıq keçirir.
Son sorğularda Merzin baş nazirliyə namizədliyini irəli sürən Xristian Birlik Partiyası 31 faiz səslə birinci, ifrat sağçı Almaniya üçün Alternativ Partiyası (AfD) isə 21 faiz səslə ikinci yerdədir.
Baş nazir Olaf Şolzun Sosial Demokrat Partiyası 15 faiz, Yaşıllar 14 faiz, Sol Partiyası isə 5 faiz səsə malikdir.
Azad Demokrat Partiyası və solçu populist Sahra Vaqenknext Anlaşma və Ədalət Alyansı (BSW) 5 faizlik seçki baryerinin altında qalır.
