Beynəlxalq Futbol Tarixi və Statistikaları Federasiyası (İFFHS) 499 klubun yer aldığı yeni dünya reytinqini açıqlayıb.
Ucnoqta.az xəbər verir ki, siyahıda Azərbaycanın dörd klubu da yer alıb.
"Qarabağ" 166,25 xalla 87-ci pillədə qərarlaşıb və əvvəlki reytinqlə müqayisədə 6 pillə geriləyib.
"Zirə" 103,25 xalla 208-ci sırada qalıb və mövqeyini dəyişməyib.
"Sabah" 61 xalla 414-cü yerə düşüb, bu da komandanın əvvəlki reytinqə nisbətən 14 pillə geriləməsi deməkdir.
"Turan Tovuz" isə 53,75 xalla siyahının sonuncu – 499-cu pilləsində qərarlaşıb və əvvəlki reytinqlə müqayisədə 5 pillə geriləyib.
