Pezeşkian Amerikanı ittiham etdi

"Amerika danışıqlar aparmaq istədiyini deyirsə, niyə bu səhvlərə yol verir?"

Yenisabah.az IRIB-ə istinadla xəbər verir ki, bunu İran prezidenti Məsud Pezeşkian deyib.

O, İslam İnqilabının qələbəsinin 46-cı ildönümü ilə bağlı rəsmi tədbirdə çıxış edib:

"Danışıqlar aparmaq istədiklərini deyirlər. Amma danışıqlar aparmaq fikrində idinizsə, niyə bu səhvlərə yol verirsiniz? Dərman, qida və su da daxil olmaqla, bizə çatacaq hər şeyin yollarını bağlayırlar. 

Tramp deyir ki, gəlin danışaq və bunu deyə-deyə İrana qarşı bütün mümkün sanksiya memorandumunu imzalayır. O, İranın regionun təhlükəsizliyini pozduğunu iddia edir, halbuki İsrail ABŞ-ın dəstəyi ilə təhlükəsizlik tənliyinin pozulmasının əsas səbəbkarıdır. ABŞ prezidenti bu cinayətkarı müdafiə edir və beynəlxalq məhkəməyə qarşı tədbir görür".