İsrail ordusu bir ay ərzində Fələstin media nümayəndələrinə qarşı onlarla cinayət törədib, onlardan 7-ni öldürüb.
Yenisabah.az WAFA xəbər verir ki, bu barədə Fələstin Jurnalistlər Birliyi (FJB) məlumat yayıb.
Bu ilin ilk ayı Qəzza zolağında və İordan çayının qərb sahilində fələstinli media nümayəndələrinə qarşı zorakılığın “təhlükəli və davamlı artmasını” görüb.
Birliyin bəyanatında deyilir ki, işğalçı qüvvələr baş verənlərlə bağlı həqiqəti gizlətmək məqsədi ilə 7 jurnalisti qətlə yetiriblər. Təşkilat onu da qeyd edir ki, yanvar ayında jurnalistlərə qarşı çoxsaylı hücumlar, onların həbsi, peşə vəzifələrinin icrasına mane olmaq halları baş verib.
Bundan əvvəl Fələstin Jurnalistlər Birliyi İsraili “həqiqəti və Fələstin xalqına qarşı cinayətləri gizlətmək və beynəlxalq hüququn kobud şəkildə pozulmasını təşkil edən və mətbuat azadlığını təhdid edən” məqsədilə media işçilərini sistematik şəkildə təqib etməkdə ittiham etmişdi.
Qətərin “Əl-Cəzirə” telekanalının məlumatına görə, 2023-cü il oktyabrın 7-dən etibarən İsrail-Fələstin münaqişəsinin cari mərhələsində həlak olan jurnalistlərin ümumi sayı artıq 220-ni keçib.
Telegram kanalımız
