ABŞ prezidenti Donald Tramp bildirib ki, onun Qəzza zolağında yaşayış binalarının bərpası planında qaçqınların vətənlərinə qayıtmasına icazə verilmir.
Qaziler.az bildirir ki, o, bu barədə fevralın 9-da Fox News-a müsahibəsində bildirib.
“Xeyr, onlar bunu etməyəcəklər (Qəzzəyə qayıtmayacaqlar - red.), çünki onların daha yaxşı mənzilləri olacaq. Başqa sözlə, mən onlar üçün daimi yaşayış yeri tikməkdən danışıram”, - Amerika lideri bildirib.
O, Qəzzanın yenidən yaşayış üçün əlverişli olmasının illər çəkəcəyini açıqlayıb. Eyni zamanda, Tramp dəfələrlə bu fikrə qarşı çıxış edən Misir və İordaniya ilə fələstinlilərin köçürülməsi ilə bağlı müqavilə bağlamaq ehtimalını bir daha xatırladıb.
QAZİLER.AZ
