Rusiya Prezidenti Vladimir Putinin Pekinə, Çin lideri Si Cinpinin isə Moskvaya səfərinə hazırlıq gedir.
Senzor.az yerli KİV-ə istinadən bildirir ki, bunu Putinin mətbuat katibi Dmitri Peskov deyib.
Onun sözlərinə görə, söhbət mayın 9-da Moskvada Böyük Vətən müharibəsində Qələbənin ildönümünün və sentyabrda Pekində İkinci Dünya müharibəsinin başa çatması yubileyinin qeyd edilməsindən gedir.
"Bəli, belə səfərlər hazırlanır. Biz həm bu mühüm hadisələrin xatirəsinə, ölkələrimizin nasist təzahürlərinə qarşı mübarizəyə verdiyi töhfəyə, həm də ikitərəfli münasibətlərimizə görə bu tarixlərin simvolizminə qarşılıqlı olaraq böyük əhəmiyyət veririk. Ona görə də indi belə təmaslara fəal şəkildə hazırlıq gedir", - Peskov qeyd edib.
