Nazirdən gözlənilməz qərar

ABŞ-nin müdafiə naziri Pit Hegset Hərbi Hava Qüvvələrinin yenidən qurulması ilə bağlı bütün planlaşdırma işlərinin dayandırılmasına göstəriş verib.

"Cebheinfo.az" xəbər verir ki, bu barədə "Air Force and Space Magazine" jurnalı rəsmi nümayəndəyə istinadən məlumat yayıb.

Nazir Hərbi Hava Qüvvələrinin “Böyük güclərlə rəqabət üçün yenidən optimallaşdırma" proqramı ilə əlaqəli bütün planlaşdırma işlərini dayandırmaq barədə tapşırıq verib. 

Rəsmi nümayəndə bildirib ki, planlaşdırma dayandırılıb. 

Qeyd olunub ki, ABŞ Prezidenti Donald Tramp Hərbi Hava Qüvvələrinin naziri vəzifəsinə Troy Maynki, nazir müavini vəzifəsinə isə Metyu Lomayerin namizədliyini irəli sürüb.

Lakin ABŞ Konqresinin Silahlı Qüvvələr üzrə Senat Komitəsi hələ də onların təsdiqi ilə bağlı dinləmələr təyin etməyib. 

Mütəxəssislərin fikrincə, Hərbi Hava Qüvvələri və Kosmik Qüvvələrin böyük yenidən qurulması planı, yeni rəhbərlik işə başlamayana qədər bir neçə ay ərzində təxirə salına bilər.

Xatırladaq ki, 2024-cü ilin fevralında ABŞ-nin Hərbi Hava Qüvvələri naziri olmuş Frank Kendal, Hərbi Hava Qüvvələri və Kosmik Qüvvələrdə 24 fərqli sahədə dəyişikliklərin planlaşdırıldığını bildirmişdi.

Yenidən təşkilatlanma planı, bir neçə komandanlığın birləşdirilməsi, təyyarə qüvvələrinin döyüş və bombardman bölmələrinin vahid hissələrdə birləşdirilməsi, planlaşdırma və büdcə prosesləri üçün məsuliyyət daşıyan strukturların gücləndirilməsi kimi bir sıra dəyişiklikləri nəzərdə tuturdu.

• HÉ™rbi Hava QüvvÉ™lÉ™ri
• OptimallaÅŸdırma
• MüdafiÉ™ Naziri
• PlanlaÅŸdırma
• Pit Hegset