"Barselona" Leverkuzen "Bayer"in futbolçusu Conatan Ta ilə danışıqlara davam edir.
Bakıvaxtı.az xəbər verir ki, bu barədə "Mundo Deportivo" nəşri məlumat yayıb.
Kataloniya klubu almaniyalı mərkəz müdafiəçisini yay transfer pəncərəsində heyətinə qatmağı planlaşdırır. Danışıqların artıq son mərhələlərdə olması bildirilir. 29 yaşlı futbolçunun "Barselona"ya azad agent statusunda keçəcəyi gözlənilir.
Qeyd edək ki, Conatan Ta bu mövsüm "Bayer"in heyətində 33 oyuna çıxaraq 2 qol vurub və 1 qolun ötürməsini edib. Onun Leverkuzen təmsilçisi ilə müqaviləsi hazırkı mövsümün sonuna qədərdir. /qol.az
