“Kəpəz”in futbolçusu Turan Manafovun Azərbaycan Premyer Liqasının 19-cu turunda “Turan Tovuz”a vurduğu qol yanvar ayının ən yaxşısı seçilib.
İdmanxeber.az xəbər verir ki, bu barədə Gəncə təmsilçisinin mətbuat xidməti məlumat yayıb.
“Turan Tovuz”la matçın 17-ci dəqiqəsində cərimə zərbəsindən fərqlənən Manafovun qolu münsiflər heyəti tərəfindən “Ayın qolu” layihəsinin qalibi seçilib.
Tovuz şəhər stadionunda keçirilən qarşılaşma “Kəpəz”in 5:2 hesablı qələbəsi ilə nəticələnib.
