1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Radikal HƏMAS hərəkatı Fələstin Azadlıq Təşkilatına məktub göndərərək, Qəzza zolağını Fələstin Milli Administrasiyasının və hökumət komitəsinin idarəçiliyinə verməyə hazır olduğunu bildirib.
Oxu.Az-ın xəbərinə görə, bu barədə "Sky News Arabia" telekanalı mənbələrə istinadən məlumat verib.
Mənbələrin məlumatına görə, eyni zamanda HƏMAS şərt irəli sürüblər. Bu şərtə əsasən, Qəzza məmurları yeni administrasiyada iş yerləri ilə təmin olunmalı, işdən çıxarılacaqları təqdirdə isə maaş almağa davam etməlidirlər.
Qeyd olunur ki, radikal hərəkat bu qərarı nümayəndə heyətinin Qahirədə apardığı danışıqlardan sonra Misirin güclü təzyiqi nəticəsində qəbul edib.
Qeyd edək ki, fevralın 15-də Misirin "Əl-Qahirə əl-İxbariya" telekanalı mənbəyə istinadən xəbər vermişdi ki, HƏMAS vasitəçilərə İsraillə atəşkəs razılaşmasına əməl etmək niyyətində olduğunu və gələcəkdə Qəzza zolağının idarə olunmasında iştirak etmək istəmədiyini bildirib. Mənbənin versiyasına görə, Misir müvəqqəti komitənin yaradılması ilə bağlı intensiv məsləhətləşmələr aparır ki, bu komitə anklavın sakinlərinə yardım göstərilməsi və onun bərpa olunmasına cavabdeh olacaq.
