Azərbaycan “Ookla” beynəlxalq şirkətinin müntəzəm mobil internet sürət reytinqi “Speedtest Global Index”-də 54-cü yeri tutub.
Hesabata görə, 2024-cü ilin dekabrında Azərbaycanda orta yükləmə sürəti 70,65 Mbit/s təşkil edib. Beləliklə, 12 ayda ölkə reytinqdə bir pillə yüksəlib. İndi Azərbaycanda mobil internetin sürəti təxminən Serbiya (53-cü yer), Böyük Britaniya (55) və Almaniyada (56) olduğu kimidir.
Mobil internetin sürət reytinqində liderlər Birləşmiş Ərəb Əmirlikləri (545,94 Mbit/s) - 1-ci yer, Qətər (521,51 Mbit/s) - 2-ci və Küveyt (314,39 Mbit/s) - 3-cü yerdir.
Stasionar internetlə bağlı vəziyyət kökündən fərqlidir - Azərbaycan autsayder olaraq qalır. 2024-cü ilin yayından bəri ölkə icmalda müqayisədə 154 ölkə arasında 90-cı yerdədir. Baxmayaraq ki, 2023-cü ilin dekabr ayı ilə müqayisədə Azərbaycan hələ də mövqeyini bir sətir yaxşılaşdırıb.
Azərbaycanda sabit internet üzrə yükləmə sürəti 2024-cü ilin dekabrında 66,91 Mbit/s təşkil edib.
Azərbaycanda sabit internet Baham adaları (89-cu yer), Fələstin (91-ci) və Hondurasla (92-ci yer) müqayisə olunur.
Sabit internet sürəti reytinqində liderlər Sinqapur (336,45 Mbit/s) - 1-ci yer, Birləşmiş Ərəb Əmirlikləri (310,05 Mbit/s) - 2-ci və Honq Konq (305,71 Mbit/s) - 3-cü yerdir.
“Ookla” yerli operatorların abunəçilərinin “Speedtest” tətbiqindən istifadə edərək etdikləri internet sürətinin ölçülməsi əsasında müntəzəm tədqiqatlar aparır. Şirkət üç ay ərzində məlumatları təhlil edir və təqdim edir.
Almaz Həsənli
