ABŞ-da daşqınlar nəticəsində həyatını itirənlərin sayı 13 nəfərə çatıb

Amerika Birləşmiş Ştatlarının (ABŞ) Kentukki ştatında leysan yağışlarının səbəb olduğu daşqınlar nəticəsində həyatını itirənlərin sayı 13-ə çatıb. CNN-in məlumatına görə, Qərbi Virciniya ştatında 1, Kentukki ştatında 11 nəfər daşqınların qurbanı olub. Corciya ştatında isə 1 nəfər fırtınalar nəticəsində evinin üzərinə ağacın aşması nəticəsində həyatını itirib. Qərbi Virciniya qubernatoru Patrick Morrisey mətbuata açıqlamasında daşqınlar səbəbindən çox sayda insanın itkin düşdüyünü bildirib. Həftə sonu yağan aramsız yağışlar səbəbindən ABŞ-ın bəzi ştatlarında daşqınlar baş verib. Nyu-Yorkdan Alabama ştatına qədər azı 700 min ev və iş yerinin yağış, külək və daşqınlar səbəbindən işıqsız qaldığı bildirilir. Bölgədə fövqəladə vəziyyət elan edilib, axtarış-xilasetmə işləri davam edir.