Ukrayna prezidenti Vladimir Zelenski Ankaraya səfər edib. ABŞ dövlət katibi Marko Rubio və Rusiya xarici işlər naziri Sergey Lavrov isə eyni gündə Səudiyyə Ərəbistanının paytaxtı Ər-Riyadda görüşüblər.
Hafta.az-ın yazdığına görə, Rusiya-Ukrayna müharibəsinə son qoymaq üçün addımların atılacağı bu dövrdə Zelenskinin səfəri və onun Türkiyəyə mümkün təsirləri maraq doğurur.
Diplomatik Münasibətlər və Siyasi Araşdırmalar Mərkəzinin (DİPAM) sədri, Dr. Tolqa Sakmanın sözlərinə görə, Zelenskinin səfərinə Türkiyə ilə yanaşı Səudiyyə Ərəbistanı və Birləşmiş Ərəb Əmirlikləri də daxildir. Sakman, “Bu, əslində Amerikanın yeni müttəfiqlər və yeni beynəlxalq sistemlə bağlı təşəbbüsləri ilə üst-üstə düşür. Burada Zelenski ABŞ-ın ölkəsinə qarşı atacağı hər hansı addımın qarşısını almağa çalışır. O, Trampla münasibətlərini etimad nöqtəsi kimi yaxşılaşdırmağı düşünərkən, Trampla Putin arasında ünsiyyətin artması Zelenski üçün yeni yol xəritəsinin cızılması zərurətini yaratdı” deyib.
Ukraynanın Türkiyəyə böyük əhəmiyyət verdiyini deyən Sakman bunun səbəbini Türkiyənin həm Amerika, həm də Rusiya ilə sıx təmasına bağlayıb. O deyib: “Hazırda Ukrayna təkcə Rusiya ilə sülh danışıqları aparmaq deyil, həm Rusiya, həm də Amerika ilə ayrı-ayrılıqda Ukrayna və milli maraqlar əsasında əlaqələr qurmaq prosesinə girməli idi. Bu mənada Türkiyə hər iki ölkə ilə münasibətlərdə Ukrayna üçün mühüm dəstək nöqtəsi olacaq”.
Danışıqlar zamanı taxıl dəhlizi kimi mövzuların gündəmə gəlməsini gözləmədiyini ifadə edən müsahibin fikrincə, masa, xüsusilə Rusiya və Amerikanın birlikdə qurduğu atəşkəs və sülh masası olmaq yolundadır. Bu mənada qlobal əhəmiyyətli iqtisadi və diplomatik təşəbbüs olan taxıl sazişi Rusiyanın həqiqətən də istədiyi masanın ciddiliyini və əhəmiyyətini sarsıda bilər. Bu səbəbdən də əsas gündəmin atəşkəs və sülh danışıqları masası olacağı qaçılmazdır.
“Ukraynanın müdafiə sənayesində Türkiyə ilə işləməsi vacibdir. Xüsusilə qara metallurgiya kimi strateji məhsullar Rusiya Müharibəsində təsirli faktordur. Ancaq bu danışıqlar trafiği başladığı andan müdafiə sənayesi əməkdaşlığı yeni bir prosesə girəcək. ABŞ-Rusiya danışıqlarının gedişatı Ukraynanın müdafiə sənayesi ilə bağlı atacağı addımları formalaşdıracaq. Bölgədə sülhə gedən yolun açılması iki ölkəyə müdafiə sənayesinin inkişafında daha sürətlə irəliləməyə imkan verəcək”, - cənab Sakman deyib.
