Ayaz Salayevin Türkiyə türkcəsini Azərbaycan türkcəsi üçün təhlükə hesab etməsi xoşməramlı fikir deyil. Təəssüf ki, Ayaz Salayev kimi düşünən ziyalılarımız da var. Ancaq bu kimi fikirlərə görə kiminsə üzərinə getmək, ən pisi isə onun ünvanına ittihamlar yağdırmaq doğru yanaşma sayıla bilməz. Biz hər bir kəsin öz fikrini ifadə etmək azadlığına sayqı göztərməliyik. Bu, birmənalıdır...
Diqqət edin. Mən sayqı sözü işlətdim. Şübhəsiz ki, bu, söz Türkiyə tükcəsindən gəlir. Ancaq “sayanın quluyam, saymayanın ağası” məsəli bizə məxsusdur. Sayqı sözü də eyni kökdən yaranıb. Məncə, bu söz təbii şəkildə Azərbaycan türkcəsinə daxil olub...
Əlbəttə, Türkiyə türkcəsində də müəyyən problemlər var. Akop Martayanın Türkiyədə dil islahatına rəhbərlik etməsinin yan təsirləri hələ də özünü göstərir. Buna baxmayaraq, biz Türkiyə türkcəsi ilə Azərbaycn türkcəsinin bir-birindən faydalanmasını və bir-birinə yaxınlaşmasını təmin etmək istiqamətində səylərimizi artırmalıyıq...
Türk dillərinin qarşılıqlı şəkildə bir-birini zənginləşdirməsi prosesinə müqavimət göstərmək yox, bu prosesə yaşıl işıq yandırmaqda fayda var...
Elbəyi Həsənli
visiontv.az
