Şimal-Qərb bölgəsində qar fəsadlar yaratdı - FOTO/VİDEO

Kiçik çillənin son günlərində ölkəmizdə eləcə də şimal-qərb bölgəsində iki gündür qeyri-sabit hava şəraiti davam edir.

Bizim.Media-nın yerli bürosu xəbər verir ki, Şəki-Zaqatala rayonlarında bu gün səhər saatlarından başlayaraq qar yağır.

Qar səhər saatlarında əsasən bölgənin dağlıq ərazilərinə yağsa da axşam saatlarından başlayaraq bütün bölgəni əhatə edib.

Hazırda Qax-Şəki istiqamətində hərəkət edən bölgə müxbirimizin verdiyi məlumata əsasən, güclü qar yağmaqda davam edir, xüsusən çaylar üzərindəki körpülər buz bağlayıb və oradan hərəkət çətinləşib.

Hazırda bölgə rayonlarında temperatur -2, -3 dərəcə təşkil edir. Lakin gecə saatlarına doğru temperaturun -10 dərəcəyə qədər enməsi gözlənilir.





Tural Rasimoğlu, Bizim.Media, Şimal-Qərb bürosu

• Cəmiyyət
• Qar
• Hava Şəraiti
• Dağlıq Ərazilər
• Şəki-Zaqatala