Olaylar.az xəbər verir ki, "Burada heç kimdə şübhə olmamalıdır. Donald Tramp dövründə nüvə silahına sahib İran olmayacaq," - deyə Rubio jurnalist Ketrin Herricə müsahibəsində bildirib.
Fevralın 4-də Tramp İran üzərində maksimum təzyiq siyasətini bərpa edən sərəncam imzalayıb. Sənəd Vaşinqtonun İranın neft ixracını azaltmaq üçün səylərini gücləndirməsini nəzərdə tutur. Eyni zamanda, ABŞ lideri İran Prezidenti Məsud Pezeşkianla görüş imkanını istisna etməyib və Tehranla "böyük bir razılaşma" əldə etmək istədiyini deyib.
Fevralın 7-də İranın ali dini lideri Ayətullah Əli Xamenei ABŞ-la danışıqların mümkünsüz olduğunu bildirib. O Vaşinqtonun əvvəllər İranı aldatdığını, nüvə sazişi bağladığını, lakin şərtlərinə əməl etmədiyini, İrana qarşı sanksiyaları aradan qaldırmadığını və birtərəfli qaydada sazişi tərk etdiyini xatırladıb.
Fevralın 10-da Tramp Tehranı nüvə silahından çəkindirməyin iki yolu olduğunu vurğulayıb: "Bunu ya bombalarla, ya da saziş imzalamaqla etmək mümkündür." O İranla razılaşma əldə etmək istədiyini də əlavə edib.
