Qarlı-şaxtalı havaya bir uşaqlar, bir də fermerlər sevinir

Qarlı-şaxtalı havaların müşahidə olunması əsasən kənd təsərrüfatı, əkin-biçinlə məşğul olan fermerlərin sevincinə səbəb olub.

Bizim.Media xəbər verir ki, uzun müddət davam edən quraqlıq və isti hava şəraiti gəmiricilərin artmasına və taxıl məhsullarına zərər verməsinə səbəb olurdu. Qarın yağması və şaxtaların düşməsi bütün hallarda zərərvericilərin məhvinə, gələcək məhsulun normal inkişafına zəmin yaradacaq.

Hazırda bölgənin əksər rayonlarında qarın yağması davam edir. Hələlik elektrik enerjisi və mavi yanacağın verilməsində ciddi problem müşahidə edilmir.

Tural Rasimoğlu, Bizim.Media, Şimal-Qərb bürosu