Bakı, 23 fevral, AZƏRTAC
G7 ölkələri Çini Rusiyaya dəstəyi dayandırmağa çağıran bəyanat yaymaq niyyətindədir. Sənədin fevralın 24-də dərc ediləcəyi gözlənilir.
AZƏRTAC xəbər verir ki, bu barədə “Nikkei” qəzeti mənbələrə istinadla məlumat yayıb.
G7 ölkələri daha əvvəl Pekini Moskvanı dəstəkləməkdə və Rusiyaya hərbi əməliyyatları davam etdirməyə imkan verən ikili təyinatlı malları ötürməkdə ittiham etmişdi. Artıq bir sıra Çin şirkətləri Rusiyaya yarımkeçirici çiplərin tədarükünə görə Avropa İttifaqı və ABŞ-ın sanksiya siyahısına salınıb.
