Aİ-nin xarici işlər nazirləri Ukraynadakı döyüşlərin üçüncü ildönümünə təsadüf edən Rusiyaya qarşı 16-cı sanksiyalar paketini təsdiqləyib.
Demokratikmusavat.com “Reuters”ə istinadən xəbər verir ki, yeni məhdudiyyətlər paketinə ilkin alüminiumun idxalına qadağa daxildir. Digər məsələlərlə yanaşı, Avropa İttifaqı ölkələri xrom və bəzi kimyəvi maddələrin idxalını, həmçinin neft və qaz emalı zavodlarının saxlanmasını qadağan edəcək.
Aİ Rusiyaya proqram təminatının tədarükünə də yeni məhdudiyyətlər qoyub.
Aİ 48 fiziki və 35 hüquqi şəxsi qara siyahıya salıb.
Mətbu orqan bildirir ki, məhdudiyyətlər 13 banka, eləcə də Aİ-nin “Rusiyanın kölgə donanması”nın bir hissəsi hesab etdiyi 73 gəmiyə şamil olunacaq. Aİ Rusiyanın 8 media orqanının Avropada yayımını qadağan edib.
Qara siyahıya Hindistan, Qazaxıstan, Çin, BƏƏ, Sinqapur, Türkiyə və Özbəkistandan olan 53 şirkət də daxil edilib.
