Rusiya prezidenti Vladimir Putin “Rossiya-24”ə aktual mövzularla bağlı mühüm açıqlamalar verib.
Publika.az xəbər verir ki, Putin ABŞ və Ukrayna arasında olan mübahisəli nadir torpaq sövdələşməsi ilə bağlı təəccüblü təklif edib.
"Bunun bizə aidiyyəti yoxdur. Rusiya ABŞ-a nadir torpaq elementləri sahəsində birgə işləmək imkanı təklif etməyə hazırdır. Bizdə şübhəsiz ki, bu ehtiyatlar Ukraynadan daha çoxdur. Rusiya bu nadir torpaq elementləri ehtiyatlarına görə şəksiz liderlərdən biridir", - Putin deyib.
O, ABŞ və Rusiyanın müdafiə xərclərini azaltma ehtimalı ilə bağlı da şərh verib:
“ABŞ ilə müdafiə büdcələrinin 50 faiz azaldılması yaxşı fikirdir, Çin də istəsə sonradan qoşula bilər".
